O‘zbekistonda iste’mol tovarlarini import qiluvchi va distribyutori Platinum Trade Group “O‘zkimyopolimersavdo” AJning 31 foiz aksiyasini sotib oldi. Bu haqda “Toshkent” respublika fond birjasi ma’lumotlariga asoslanib, Spot xabar berdi.
Bitim 26-aprel kuni yakunlangan bo‘lib, kompaniya 128 884 ta, ya’ni ustav fondining 31,7 foiz aksiyasi egasiga aylandi.
Platinum Trade Group kompaniyasiga 2014-yilda, xoldingiga esa 2016-yilda asos solingan. Kompaniya tomonidan e’lon qilingan vakansiyalarga ko‘ra, Platinum Trade Group’ning “Kiriyeshki”, FAN va boshqa shu kabi brendlarga aloqasi bor.
“O‘zkimyopolimersavdo”ga esa 1994-yilda asos solingan bo‘lib, kompaniya kimyoviy va rezina mahsulotlarini ishlab chiqarish bilan shug‘ullanadi. 2018-yilning birinchi choragi hisobotlariga ko‘ra, uning sof daromadi 165 million so‘mni tashkil etgan.
Izoh (0)