Франция фуқаролиги энг кўп қадрланадиган мамлакатлар рўйхатида биринчи ўринни эгаллади

2017 йил якунлари бўйича фуқаролиги энг кўп қадрланадиган мамлакатлар рўйхатида Франция биринчи ўринни эгаллади. Henley & Partners консалтинг компанияси эълон қилган пресс-релизда шу ҳақда сўз боради, дея хабар беради «Известия».

Рейтингнинг иккинчи поғонасида ўтган ўтган галги пешқадам — Германия қайд этилди. Кейинги қаторлардан Исландия, Дания, Нидерландия, Норвегия ва Швеция ўрин олди.

МДҲ давлатлари орасида Россия энг яхши натижани кўрсатди.

Давлатлар қатор кўрсаткичлар, жумладан, иқтисодиёт кўлами, инсон салоҳиятининг ривожи, жамоат тартиби ва барқарорлик, шунингдек, бошқа мамлакатларда визасиз яшаш ва ишлаш имконияти бўйича баҳоланди.

Фуқаролиги энг қадрсиз давлатлар қаторига Афғонистон ва Сомали киритилди.