Озарбайжон парламенти мамлакат президентининг ташқи сиёсат бўйича ёрдамчиси Наврўз Мамедовни бош вазир лавозимига тайинлади, деб хабар беради «РИА Новости».
Президент томонидан кўрсатилган номзод парламентнинг 21 апрель куни бўлиб ўтган мажлисида бир овоздан маъқулланган.
Эслатиб ўтамиз, Озарбайжонда навбатдан ташқари президентлик сайловлари 11 апрель куни бўлиб ўтди. Барча сайлов пунктларидан йиғилган овозларга кўра, амалдаги президент Илҳом Алиев 86,02 фоиз овоз билан ғалабага эришди.
Озарбайжон Марказий сайлов комиссияси 15 апрель куни сайлов натижаларини эълон қилди ва протоколни тасдиқлаш учун Конституцион судга топширди.
Мамлакат конституциясига кўра, Вазирлар Маҳкамаси қайта сайланган президентнинг инаугурациясидан кейин истеъфога чиқарилади.
Изоҳ (0)