Исроил армияси билан тўқнашув оқибатида 4 нафар фаластинлик ҳалок бўлди, 600 дан ортиқ фуқаро жароҳат олди

Ғазо сектори чегарасида Исроил армияси билан содир бўлган тўқнашувдан сўнг, тўрт нафар фаластинлик ҳалок бўлди ва яна 645 киши жароҳат олди. Бу ҳақда Ғазо сектори соғлиқни сақлаш вазирлиги вакили Ашраф ал-Кедранинг сўзларига асосланиб, «Газета.ru» хабар берди.

«Исроилнинг Ғазо секторидаги тажовузкорлиги оқибатида ҳалок бўлган фаластинликлар сони тўрт кишига етди, хусусан, улар орасида вояга етмаган болакай ҳам бор. Шунингдек, 645 киши жароҳат олган», — дейди Ашраф ал-Кедра.

Маълумотларга кўра, 124 киши жанговар ўқлар оқибатида жароҳат олган бўлиб, ҳозирда уларнинг аҳволи оғирлиги айтилмоқда.