Шимолий Корея расмийлари АҚШ президенти Дональд Трампни «телба» деб ҳисоблайди. Бу ҳақда The Guardian ўзининг исми ошкор қилинмаган кореялик амалдор манбасига таяниб маълум қилди, деб хабар беради «Газета.ru».
Маълумотларга кўра, мамлакатда Трамп ва КХДР етакчиси Ким Чен Иннинг ўзаро учрашувига тайёргалик кўрилмоқда. Учрашув май охирида ёки июнь ойи бошида бўлиб ўтиши мумкин.
Шимолий Корея расмийлари Америка ҳукуматидан фарқли ўлароқ икки мамлакат раҳбарининг ўзаро суҳбати учун кетаётган тайёргарликка ҳеч қандай изоҳ бермади.
Бироқ улар ўзларининг Трампга нисбатан муносабатини билдириб ўтди. Амалдорлардан бири Трампнинг БМТдаги чиқишида КХДРни «бутунлай йўқ қилиб юбориш» борасидаги таҳдидини ёдга олиб, уни «телба» деб атаган.
Изоҳ (0)