Киевдаги спорт майдончаларининг бирида портлаш содир бўлди
Киевнинг Днепровск туманида жойлашган даҳалардан бирида 21 апрель куни эрталаб портлаш содир бўлди. Бу ҳақда Киев полицияси матбуот хизматига таяниб, «Корреспондент.net» хабар берди.
«Нохуш ҳодиса оқибатида ҳеч ким жароҳат олмаган. Воқеа жойига тегишли хизмат ва тезкор тергов гуруҳи ходимлари етиб борган», — дейилади хабарда.
Хабар қилинишича, 21 апрель, шанба куни эрталаб бир эркак полицияга қўнғироқ қилиб, Пожарский кўчасидаги уйда портлаш овози эшитилганини маълум қилган.
Чақирувга биноан етиб борган идора вакиллари текширувни амалга оширган. Воқеа жойидан қўлбола портловчи қурилманинг деталлари топилган. Ҳуқуқ-тартибот идораларининг маълумотларига кўра, портлаш кўп қаватли турар жой бинолари яқинида жойлашган спорт майдончасида содир бўлган.
