Болтиқ денгизида Россия вертолёти ҳалокатга учради

12 апрель, пайшанба куни Болтиқ денгизи акваториясида Россия вертолёти ҳалокатга учради, дея хабар бермоқда «MK.ru». Бунда гап Ка-29 ҳарбий вертолёти ҳақида бораётгани тахмин этилмоқда.

«Интерфакс» денгиз қидируви ва қутқаруви бўйича халқаро хизматлардаги манбасига таяниб маълум қилишича, вертолёт билан алоқа 12 апрель куни кечқурун йўқолиб қолган.

13 апрель, жума куни эрталаб денгиздан икки учувчидан бирининг жасади топилган. Ҳодисанинг бошқа тафсилотлари келтирилмаяпти.