«Барселона» ярим ҳимоячиси Андрес Иньеста «Рома»га қарши баҳсда (0:3) фаолиятидаги сўнгги Чемпионлар Лигаси ўйинини ўтказди, деб ёзмоқда «Sports.ru».
Қайд этилишича, Адреас амалдаги мавсум якунланганидан сўнг Каталония клубини тарк этади. Иньеста фаолиятини Хитойнинг «Тяньцзинь Цюаньцзянь» клубида давом эттиради. Иньеста Хитой клуби билан уч йиллик шартнома имзолашга келишиб олган, битим яна бир йилга автоматик равишда узайитирилиши мумкин.
Иньеста Хитой клубида йилига 37 миллион евро маош олади ва дунёнинг энг кўп маош олувчи футболчиларидан бирига айланади.
Иньеста 2017 йилнинг октябрида «Барселона» билан фаолиятининг сўнгига қадар шартнома имзолаганди. Аммо кейинроқ Андреас клубни тарк этишга қарор қилди.
Ҳозирда «Тяньцзинь Цюаньцзянь» жамоасида бир нечта таниқли футболчилар тўп суради. Жумладан, бельгиялик ярим ҳимоячи Аксел Вицел, бразилиялик ва франциялик ҳужумчилар Алешандре Пато ҳамда Антони Модест ушбу клуб сафида ўйнамоқда.
Изоҳ (0)