Профессионал боксга ўтган Рио-2016 Олимпиадаси совриндори Муроджон Аҳмадалиев навбатдаги жангини америкалик боксчига қарши ўтказади, деб хабар беради «Оламспорт».
Муроджон профессионал боксдаги иккинчи жангини америкалик Жорж Руизга қарши ўтказади. Маълумот учун Жорж Руиз бунгача 14 та жанг ўтказган ва уларнинг 11 тасида (5 та нокаут) ғалаба қозонган. 3 та жангда эса (1 та нокаут) мағлубиятга учраган.
Аҳмадалиев эса 10 март куни проф рингда дебют қилган ва биринчи раунддаёқ нокаут эвазига ғалаба қозонган.
Эслатиб ўтамиз, мазкур жанг 21 апрель (Тошкент вақти билан 22 апрель куни тонгда) Бруклиндаги Kings Theatre’да бўлиб ўтади.
Изоҳ (0)