Хоразм вилоятида яшовчи Ноила, бир неча ёш қизларни 2017 йил апрель ойида алдов йўли билан Бирлашган Араб Амирликларнинг Абу-Даби шаҳрига чақиртириб олган, деб хабар беради ЎзА.
Уларни қарийб тўққиз ой давомида, яъни 2017 йилнинг декабрь ойига қадар турли эркаклар билан пул эвазига жинсий алоқада бўлишга мажбурлаган. Ўз ватандошларидан шаҳвоний мақсадларда фойдаланиб келган.
«Жирканч иллатлари орқали миллат томирига болта ураётган, инсон қадридан пулни баланд қўядиган бундай шахсларни аниқлаш ва уларнинг қилмишига яраша қонун олдида жавобгарликка тортиш ҳуқуқни муҳофаза қилувчи органларининг асосий вазифаларидан бири. Хоразм ИИБ томонидан олиб борилган махсус тадбирлар натижасида Ноиланинг ҳам қилмишлари фош этилди», — дейилади хабарда.
Унга нисбатан Ўзбекистон Республикаси Жиноят Кодексининг 135-моддаси (одам савдоси) 2-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)