​ЕЧЛ. «Бавария» «Севилья» устидан иродали ғалабага эришди (видео)

3 апрель санасида Европа Чемпионлар Лигасининг ¼ финал учрашувларидан иккитаси ўз ниҳоясига етди.

Андалусиянинг «Севилья» жамоаси ўз майдонида Мюнхен «Бавария»сини қабул қилди. Учрашувда ҳисоб мезбонлар томонидан 31-дақиқада очилди. Гол муаллифи Пабло Сарабия. Мюнхенликлар орадан ҳеч қанча вақт ўтмай, 37-дақиқада Хесус Навас ўз дарвозасини ишғол қилганлиги сабаб ҳисобни тенглаштиришга муваффақ бўлди. Ўйин тақдирини ҳал этган гол учрашувнинг иккинчи бўлимида Тиаго Алькантара томонидан киритилди. Шу тариқа Юпп Хайнкес шогирдлари сафардан иродали ғалаба билан ортга қайтадиган бўлди.