Осиё Чемпионлар Лигасининг гуруҳ босқичида 5-тур ўйинлари доирасида иккита учрашув якунланди.
«B» гуруҳида Эроннинг «Зоб Оҳан» клуби Қатарнинг «Ад-Дуҳайл» клубини қабул қилиб, 0:1 ҳисобида ютқазди. Мазкур натижа Тошкентнинг «Локомотив» клуби учун айни муддао бўлди.
«Зоб Оҳан» 5 турдан сўнг, 6 очко жамғариб, 2-ўринни эгаллаб турган бир вақтда, «Локомотив» сафарда «Ал-Ваҳда»ни йирик 4:1 ҳисобида мағлуб этишга эришди. Ва ўзининг очколари сонини 6 тага етказиб, Эрон жамоаси билан тенглашиб олди.
Энди «темирйўлчилар» 17 апрель санасида Тошкентда «Зоб Оҳан»ни қабул қилади. Бу ўйинда «Локо»ни фақат ғалаба қаноатлантиради.
Осиё Чемпионлар Лигаси
«B» гуруҳи, 5-тур беллашувлари
3 апрель, сешанба
Изоҳ (0)