«Порту» дарвозабони Икер Касильяс «Белененсеш»га қарши Португалия чемпионатининг 28-тур учрашувида (2:0) тўлиқ 90 дақиқа ҳаракат қилди.
36 ёшли испаниялик посбон учун бу баҳс фаолиятидаги 1000-ўйин бўлди.
У бу натижага эришган Раулдан кейинги иккинчи испаниялик ўйинчига айланди. Дарвозабон «Реал» сафида 725 та, «Порту»да 108 та, Испания терма жамоасида эса 167 та учрашув ўтказди. Касильяс 385 та баҳсда гол ўтказмай, дарвозаси дахлсизлигини сақлаб қолган.
Дарвозабон 2015 йилдан бери «Порту» дарвозасини қўриқламоқда. Жорий мавсум Икер Португалия чемпионатида 15 та учрашувда майдонга тушди.
Изоҳ (0)