2018 йил 30 март куни Huawei 2017 йилги аудит натижаларини эълон қилди. Компаниянинг соф даромади 2017 йилда 28,1 фоизга ўсди ва 47,5 миллиард юанни ташкил этди (7,3 миллиард доллар).
Ҳисоботда айтилишича, компаниянинг йиллик даромади 2016 йилга нисбатан 15,7 фоизга ўсиб, 603,6 миллиард юанни ташкил этди (92,5 миллиард доллар алмашув курсининг йил якунлари бўйича). 2017 йилда Huawei компаниясининг тадқиқот ва ишланмаларга йўналтирилган инвестициялар ҳажми 89,7 миллиард юань (13,8 миллиард АҚШ доллари)га етди ва 2016 йилга нисбатан 17,4 фоизга ўсди. Сўнгги ўн йилликда компаниянинг тадқиқот ва ишланмаларга йўналтирган харажатлари 394 миллиард юань (60,4 миллиард доллар) дан ошди.
«Биз янги йўлда харакатланмоқдамиз», — дейди Huawei’нинг директорлар кенгаши раиси Кен Ху. «Имконият ва чақирувлар ҳар қачонгидан ҳам тезроқ пайдо бўлади ва инновацияларнинг доимий очилиши — бу ўйинда этакчи бўлишимизга имкон берадиган ягона усулдир. Кейинги 10 йил ичида Huawei технологик инновацияларга инвестицияларни кўпайтиришни давом эттиради ва йилига 10 миллиард сармоя киритади. Очиқ ҳамкорлик тамойилига содиқ қолиб, энг яхши истеъдодларни жалб қилсак, келажакда ноаниқликларни ўрганишга қаратилган изланишларимизда муваффақиятга эришамиз. Биз барча соҳалар рақамли ва интеллектуал бўлиши учун янада яхши имкониятлар яратишни истаймиз».
«2018 йилги режалар ҳақида гапирганда, айтиш жоиз буюмлар интернети, булутли ҳисоблаш, сунъий интеллект ва 5G каби янги технологиялар кенг қўлланилади. Ушбу жараён давомида Huawei технологик инновациялар ва ишбилармонлик ўзгаришларининг олдида қолади. Энг муҳими, биз мижозларимиз рақамлаштириш йўлида дуч келадиган амалий муаммоларга алоҳида эътибор қаратамиз. Бизнинг вазифамиз уларга бу муаммоларни ечишда ва бизнесда муваффақият қозонишида кўмаклашишдир. Биз ҳар бир инсонга, ҳар бир оилага ва ҳар бир ташкилотга рақамли дунёни бутунлай боғланган, интеллектуал дунёни яратишга интиламиз», — деди Кен Ху.
Бутун эътиборини глобал алоқа операторларининг мавжуд тармоқлари потенциалидан максимал даражада фойдаланиш ва янги видео, IoT ҳамда булутли технологиялар имкониятлардан фойдаланиш орқали 2017 йилда Huawei компаниясининг телекоммуникация операторлари билан ишлаш бўйича бизнес гуруҳи 297,8 миллиард юань (45,7 миллиард доллар) даромад олган бўлиб, бу ўтган йилнинг шу даврига нисбатан 2,5 фоизга кўп демакдир.
Huawei’нинг корпоратив мижозлар билан ишлаш йўналиши булутли технологиялар, катта маълумотлар, корпоратив кампуслар, маълумот марказлари, буюмлар интернетга қаратди ва бир қатор вертикал тармоқлар учун ўз маҳсулотлари ва ечимларини кенг қўллади. Huawei’нинг корпоратив бизнес даромадлари 2017 йилда 2016 йилга нисбатан 35,1% га ортиб, 54,9 миллиард юань (8,4 миллиард АҚШ доллари) ташкил этди.
Истеъмолчи бизнесида Huawei ва Honor брендлари олдинга силжиди, бу эса ўз навбатида бозорларда тез ўсишга олиб келди. 2017 йилда Huawei жами 153 миллион (шу жумладан, Honor) смартфонларини жўнатди, йиллик даромад эса 237,2 миллиард юанни (36,4 миллиард доллар) ташкил қилди, бу ўтган йилга нисбатан 31,9 фоизга кўп демакдир.
2017 йилда Huawei булутли технологиялар бўйича (Cloud Business Unit) йўналиш очиб, 14 та асосий тоифадаги ва 50 дан ортиқ ечимлардан иборат 99 булут хизматини ишга туширди. Компания, шунингдек, Enterprise Intelligence (EI) платформасини жорий этди ва 2000 дан ортиқ хамкорлар билан булутли хизмат кўрсатиш бўйича бирга ишлади.
2017 йиллик ҳисоботининг молиявий маълумотлари мустақил KPMG аудиторлик компанияси томонидан тасдиқланган. 2017 йилги йиллик ҳисоботнинг тўлиқ нусхасини www.huawei.com/en/about-huawei/annual-report/2017 манзили орқали кўришингиз мумкин.
Реклама ҳуқуқи асосида!
Изоҳ (0)