2016 йилда Россиянинг inDriver ташув компанияси Ўзбекистон бозорига киришга уриниб кўрди, бироқ диққатини кейин қўшни бозорларга қаратди. Компания Қозоғистонда етакчига айлана олди, энди эса Тошкентда қайтадан старт олишга тайёрланмоқда. Spot компания нима учун яна Ўзбекистонда ишга тушишга қарор қилганини суриштирди.
«Ҳақиқатан ҳам, биз Тошкентда қайтадан старт олишга қарор қилдик. Энди айтиш мумкинки, ўшанда — икки йил аввал бозор биз таклиф қилган янги технологик транспорт парадигмасига тайёр эмас эди. Аммо дунё ўзгармоқда ва биз вазият бошқача тус олганини кўрдик. Ўзбекистоннинг смартфонлашиш ва урбанлашиш борасидаги бугунги суръатлари кишини ҳайратда қолдиради», — деди inDriver’нинг Россия ва МДҲ мамлакатларидаги матбуот котиби Ирина Ефимова.
Тошкент учун янгиланган inDriver’га ҳайдовчи ва йўловчи ўртасидаги қўнғироқсиз алоқа тизими, ҳайдовчиларнинг ўзларига энг яқин буюртмалар ҳақидаги овозли билдиришномалари, «Автоторг» функцияси қўшилди. inDriver’нинг бош тамойили — нархнинг йўловчининг ўзи таклиф қилиши ўзгаришсиз қолмоқда холос.
Изоҳ (0)