26 март куни Мирзо Улуғбек туманида жойлашган Les Ailes фаст-фуд ресторани ва «Чопар» пицсериясида юз берган ёнғинга электр симидаги қисқа туташув сабаб бўлган бўлиши мумкин эмас. Бу ҳақда ресторан тармоғи вакили Spot’га маълум қилди.
«Тунда электр токи бутунлай ўчирилиши сабаб ёнғин қисқа туташув сабаб юзага келган бўлиши мумкин эмас», — дейди компания вакили.
Аввалроқ, Тошкент шаҳар ИИББ ёнғин қисқа туташув оқибатида юзага келган бўлиши мумкинлигини маълум қилганди.
Шунингдек, ресторанлар тармоғи вакилининг айтишича, электр сими ҳақидаги маълумотлар симлар жойлашган деворнинг ёнаётганини кўрган қоровул сабаб тарқалган бўлиши мумкин.
«Айни вақтда ёнғин сабаби аниқланмоқда. Биз кўплаб версияларни айтишимиз мумкин, бироқ, ҳатто ўт ўчирувчилар ҳам ҳозирча аниқ хулосаларни билдирмади», — дея қўшимча қилади тармоқ вакили.
Унинг сўзларига кўра, Chopar Pizza ўз филиалини қайта тиклайди ва Les Ailes ишини апрель ойидан яна йўлга қўяди.
Эслатиб ўтамиз, 26 март куни Мирзо Улуғбек туманида жойлашган Les Ailes фаст-фуд ресторани ва «Чопар» пицсериясида ёнғин юз бергани ҳақида хабар қилинганди.
Изоҳ (0)