Хитойнинг Baidu, Alibaba ва Tencent каби технологик гигантлари электрон савдо, мобил тўловлар ва ижтимоий тармоқларда муҳим рол ўйнамоқда, энди эса улар автомобиль саноатида ҳам ривожланишни кўзламоқда. Бунинг учун улар электр, ҳайдовчисиз ва ақлли автомобиллар яратиш билан шуғулланувчи стартапларга инвестиция киритмоқда, деб ёзади «Ведомости».
Американинг технологик компанияси бўлган Alphabet ва унинг таркибий қисми бўлган Waymo ҳам автомобиль бизнесида фаол ишламоқда. Бироқ Baidu, Alibaba ва Tencent Хитойда катта устунликка эга, чунки ҳукуматнинг интернет устидан ўрнатилган назорати хорижий компанияларга улар билан рақобатлашишга имкон бермайди. Масалан, Хитойда хорижий компанияларнинг рақамли картографиялари тақиқланган, улар эса ҳайдовчисиз автомобиллар учун зарур ҳисобланади.
Мазкур ҳолат хорижий ва хитойлик автомобиль ишлаб чиқарувчиларни, шу жумладан, Ford, BMW, SAIC Моtоr ва Zhejiang Geely кабиларни Baidu, Alibaba ва Tencent билан ҳамкорлик келишуви имзолашга мажбур қилмоқда. Март ойида Renault Хитойдаги савдосини 2023 йилга қадар беш баробар оширишни кўзлаётганини маълум қилди. Шунингдек, Renault Хитойда ўз автомобилларини интернетга улаш учун Alibaba дастурий таъминотидан фойдаланишни бошлайди.
Изоҳ (0)