Хитойда 3,8 миллион долларлик дунёдаги энг қиммат йўлтанламас тақдим этилди

Хитойнинг IAT компанияси қиймати 3,8 миллион долларга бўлган янги Karlmann King йўлтанламасини тақдим этди, деб хабар берди KNews. Мазкур автомобилдан атига 10 нусхада ишлаб чиқарилади.

Karlmann King’га 460 от кучига эга 6,8 литрли V10 двигатели ўрнатилган. У 6 поғонали автоматик узатмалар қутиси билан биргаликда ишлайди. Мотор қуввати салкам 400 от кучини ташкил этади, бироқ максимал тезлиги соатига 140 километрга тенг.

Автомобиль салонида, қаҳва тайёрлагич, PS4 приставкаси, телевизор, йўловчилар ўриндиғини бошқаришга мўлжалланган махсус дастур, 20 динамикли аудиотизим ва сунъий йўлдошга уланган интернет мавжуд. Салон шифтига эга Rolls-Royce Phantom’да ишлатилган ёритгич ўрнатилган.