Навоий вилоятининг Навбаҳор туманида 23 март куни соат 06:45 атрофида икки кишининг ўлими ва беш кишининг жароҳат олишига сабаб бўлган йўл-транспорт ҳодисаси юз берди. Бу ҳақда Ўзбекистон Ички ишлар вазирлиги сайти хабар берди.
Хабар беришларича, 1959 йилда туғилган М.Очилов Captiva автомашинасини ҳайдаб кетаётиб, «Навоий—Нурота» 4-Р57 йўлининг 29-километрида бошқарувни йўқотган ҳамда қарама-қарши йўналишда ҳаракатланиб келаётган 1990 йилда туғилган С.Жабборов бошқарувидаги Matiz билан тўқнашув содир этган.
Натижада Matiz ҳайдовчиси С.Жабборов ва унинг йўловчиси А.Пўлатов жароҳат олиб, воқеа жойида ҳалок бўлган, шунингдек, қолган 4 нафар йўловчи ва Captiva ҳайдовчиси тан жароҳатлари билан касалхонага ётқизилган.
Изоҳ (0)