Дунёда оч қолаётган кишилар сони ўсишда давом этмоқда. 2017 йилда дунё бўйича 124 миллион киши овқатга тўймасликдан азият чеккан, бу 2016 йилгидан 11 миллионга кўпдир. Мазкур маълумотлар БМТнинг 22 март куни эълон қилинган ҳисоботида маълум қилинди, деб ёзади «Казинформ».
Ҳисоботда маълум қилинишича, можаролар, экстремал об-ҳаво шароитлари ва улар билан боғлиқ озиқ-овқат маҳсулотлари нархларининг ўсиши очарчиликка сабаб бўлмоқда. Қуролли ҳаракатлар 18 та мамлакатда очарчиликни келтириб чиқарди. Улардан 15 таси Африка ва Яқин Шарқда жойлашган.
Табиий ҳалокатлар, биринчи навбатда, қурғоқчилик 23 та мамлакатда озиқ-овқат инқирозини юзага келтирди. Уларнинг учдан икки қисми Африка қитъасида жойлашган.
2018 йилда можаролар Афғонистон, Марказий Африка Республикаси, Конго Демократик Республикаси, Нигерия, Чад кўли минтақаси, Жанубий Судан, Сурия, Ливия, Мали ва Нигерда озиқ-овқат инқирозига сабаб бўлиши мумкинлиги кутилмоқда.
Бугунги кунда озиқ-овқат билан боғлиқ энг оғир вазият Яманда юзага келган.
Изоҳ (0)