Кирилл Шамалов, Алексей Мордашов ва Владимир Лисин Forbes нашрининг энг кўп даромад олган 10 нафар россиялик миллиардер рейтингида етакчи учликка кирди. Бу ҳақда «Ведомости» хабар бермоқда.
Улар дивидендлар ва акциялар сотиш ҳисобига катта суммага эга бўлди. Жумладан, Шамалов 2,3 миллиард, Мордашов 1,56 миллиард, Лисин 1,23 миллиард доллар ишлаб олди.
Рейтингдаги кейинги ўринларни Сулеймон Керимов (980 миллион доллар), Михаил Прохоров (870 миллион), Дмитрий Риболовлев (860 миллион), Олег Дерипаска (760 миллион), Виктор Рашников (760 миллион), Вагит Алекперов (750 миллион) эгаллади.
Ўнликни Алишер Усмонов якунлаб берди. У «Металлоинвест» ва «Мегафон» дивидендлари ҳисобига 660 миллион долларга эга бўлди.
Маълумот учун, Forbes россиялик миллиардерларнинг 2017 йил 18 февралидан 2018 йил 9 февралигача бўлган даромадларини баҳолади. Бунда сотилган активлар (шахсий мулкдан ташқари) ва олинган дивидендлар қиймати ҳисобга олинди.
Изоҳ (0)