Бугун,

  • USD 11095.31
  • RUB 173.84
  • EUR 10772.44

110 нафарга яқин қизлар ва аёллар Women Techmakers 2018 International Women’s Day Celebration тадбири доирасида ўзларининг ахборот технологиялари ва инновациялари соҳасидаги билим ва кўникмаларини яхшилаш имкониятига эга бўлди, деб ёзади Тошкентдаги Инҳа университети матбуот хизмати.

Фото: «Iut.uz»

Фото: «Iut.uz»

Women Techmakers – бу Google’нинг бренди бўлиб, юқори технологиялар соҳасидаги аёллар учун глобал дастур ҳисобланади. Women Techmakers инновацияларни рағбатлантириш ҳамда аёлларни жалб этишга мўлжалланган ресурс ва ҳамжамиятдир.

Women Techmakers тадбири аёлларни юқори технологиялар соҳасида иштирок этишлари учун шарт-шароитлар яратишга қаратилган.

Women Techmakers IWD тадбирига Тошкент шаҳридаги Инҳа университети, Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда БМТТДнинг «Самарали Давлат Бошқарувини ривожлантириш ва Рақамли Трансформацияга кўмак» қўшма лойиҳаси ҳамда Super Dispatch, «Эскиз» ва Tudor компаниялари қўллаб-қувватлаши ёрдамида Google Developer Groups (GDG) Tashkent ташкилотчилик қилишмоқда.

Women Techmakers IWD 2018 йилнинг февраль ойида ташкил этилган GDG Tashkent ишлаб чиқарувчилар ҳамжамиятининг биринчи тадбиридир. Мазкур ҳамжамиятнинг ташкил этилишига Тошкент шаҳридаги Инҳа университети талабалари ташаббус кўрсатди. Тадбир Халқаро Хотин-қизлар кунига бағишлаб ўтказилди.

2018 йилнинг 11 март куни Тошкент шаҳридаги Инҳа университетида бўлиб ўтган тадбир икки қисмдан иборат бўлди.

Women Techmakers IWD тадбирининг очилишида Google компаниясининг вакили Бариш Есугей иштирок этди.

Тошкент шаҳридаги Инҳа университетининг профессори Кирти Сет аёлларнинг компьютер фанидаги роли тўғрисида маъруза ўқиди.

Тадбир давомида Women Techmakers IWD қатнашчилари Uztelecom, MyTaxi ва шу каби компанияларда ишлаётган дастурчи қизларнинг тажрибаси билан танишди.

Women Techmakers IWD доирасида қатнашчилар Java, Telegram-бот тилида дастур яратиш, алгоритмлар, дастурий таъминотларни синовдан ўтказиш ва бошқалар бўйича билим олди.

Изоҳ
Асосий янгиликлар
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?