10 март куни Ўзбекистонда қандай об-ҳаво кузатилади?

10 март куни Тошкентда ҳаво ўзгариб туради, ёғингарчилик бўлмайди. Кечаси 10-12, кундузи 20-22 даража илиқ бўлади, деб хабар беради ЎзА.

Қорақалпоғистон Республикаси ва Хоразм вилоятида ҳаво ўзгариб туради, ёмғир ёғади. Кечаси 0—5, Хоразм вилоятида 3—8, кундузи 10—15, Устюрт бўйлаб 0—5 даража илиқ бўлади.

Қолган барча вилоятларда ҳаво ўзгариб туради, ёғингарчилик бўлмайди. Шарқдан эсаётган шамол ўз йўналишини ўзгартириб, ғарбдан секундига 7—12 метр тезликда эсади. Шамолнинг тезлиги секундига 17—22 метргача кучайиши мумкин.

Бухоро ва Навоий вилоятларида кечаси 12—17, кундузи 20—25, чўл ҳудудлари бўйлаб кечаси 7—12, кундузи 15—20 даража илиқ бўлади.

Тошкент, Самарқанд, Жиззах ва Сирдарё вилоятларида кечаси 7—12, кундузи 17—22, айрим жойларда 25 даражагача илиқ бўлади.

Қашқадарё ва Сурхондарё вилоятларида кечаси 12—17, кундузи 22—27 даража илиқ бўлади.

Андижон, Наманган ва Фарғона вилоятларида кечаси 5—10, кундузи 17—22 даража илиқ бўлади.

Республиканинг тоғли ҳудудларида ҳаво ўзгариб туради, вақти-вақти билан ёғингарчилик (ёмғир, қор) бўлади. Қор кўчиши хавфи бор. Баъзи жойларда туман тушиши мумкин. Кечаси 1—6, кундузи 8—13 даража илиқ бўлади.