Ўзбекистон ва Тожикистон ўртасидаги Аму занг чегара пости очилди

8 март куни Сурхондарё ва Хатлон вилоятлари ўртасидаги Аму занг чегара постининг расмий очилиши маросими бўлиб ўтди. Бу ҳақда Сурхондарё вилояти ҳокимлиги ахборот хизмати хабар бермоқда.

Чегара пости қўшничилик муносабатлари, дўстлик ришталари ҳамда ҳамкорликнинг янада мустаҳкамланиши, қўшни давлатга бориш-келишдаги тўсиқлар, ортиқча расмиятчиликларга барҳам бериш мақсадида Ўзбекистон Президенти Шавкат Мирзиёев ташаббуси билан очилди.

«Маросимда сўз олганлар икки халқ ўртасидаги дўстлик ришталари қадим тарихга эга эканлиги, ушбу хайрли иш келгусида иқтисодий, маданий ва яқин қўшничилик муносабатларини янада мустаҳкамлаш йўлида янги саҳифалар очишини таъкидлади», — дейилади хабарда.