Россиянинг Сиктивкар шаҳрида жойлашган 1-сонли ахлоқ тузатиш колонияси маҳбуслари Халқаро хотин-қизлар кунига 15 мингта лола гулини ўстирди, деб хабар беради «Интерфакс».
«Биринчи бор беш баргли лолаларни етиштиришга муваффақ бўлганимиздан сўнг, уларнинг ҳажмини оширишга қарор қилдик. Албатта, бунинг ўзига яраша нозиклиги бор. Масалан, бунда ҳарорат жуда катта рол ўйнайди. Агарда ҳарорат атига икки даражага юқори ёки паст бўлса, ғунча пайдо бўлмаслиги мумкин», — дейди колония бўлим бошлиғи Игорь Соколов.
Мазкур колонияда нидерланд лолалари 11 йилдан буён ўстириб келинади. У ерда «Примaвера», «Барселона», «Матч» ва «Maстер» каби навлар етиштирилади. Гулларнинг асосий қисми сотувга чиқарилса, бир қисми Федерал жазони ижро этиш хизмати бошқарма муассасаларига жўнатилади.
Изоҳ (0)