Беларусь республикасида ўзининг иккита фарзандини ўлдирган Кирилл Казачекка нисбатан ўлим жазоси ижро этилди. Бу ҳақда «Весна» инсон ҳуқуқларини ҳимоя қилиш ташкилотига жиноятчининг онаси маълум қилди.
Маълумотларга кўра, Казачек 2017 йилнинг октябридаёқ отиб ташланган. 2018 йилнинг февралида эса «БелаПAН» агентлиги жиноятчи тирик ва ўз ҳукми ижорисини кутиб яшаётганини маълум қилганди.
2016 йилнинг январида Казачек 17 ёшли ўғлини ҳамда 9 ёшли қизини ўлдириб, сўнг ўз жонига қасд қилган, бироқ омон қолган. Қотилнинг қонидаги спирт миқдори 2,36 промиллни ташкил этган. 2016 йилнинг декабрида Казачек айбдор деб топилган ва олий жазога ҳукм этилган.
Беларусь республикаси — Европада ўлим жазосини қўллайдиган ягона мамлакат ҳисобланади. Сўнгги 20 йил ичида мамлакатда 400 дан ортиқ жиноятчига нисбатан ўлим жазоси ҳукми ижро этилган.
Изоҳ (0)