Бўйининг баландлиги 234 сантиметрга етган британиялик ўсмир профессионал баскетбол билан шуғулланишга киришди

Буюк Британиянинг Суффолк графлигида жойлашган Бери-Сент-Эдмундс шаҳарчасида яшовчи Брэндон Маршалл мамлакатдаги энг бўйи баланд ўсмир ҳисобланади. У Уэльс миллий баскетбол жамоасида машғулотларни бошлаб юборди, деб хабар берди Daily Mail.

Брэндон тўққиз ёшга тўлганида бўйи тез ўса бошлаган. 13 ёшга кирганида бўйининг баландлиги 183 сантиметрга тенг бўлган. 2017 йилда эса 211 сантиметрга қадар ўсган бўлса, 16 ёшида 224 сантиметрга етган. Мутахассисларнинг фикрича, у яна ўсишни давом этади.

Брэндон миллий лигадаги баскетбол жамоасида ўйнаган, шундан сўнг у Уэльс миллий баскетбол жамоасига қабул қилинди. Куни кеча эса у бир ойдан кейин бўлиб ўтадиган дастлабки профессионал учрашуви олдидан машғулотларни бошлаб юборди.

Брэндон бўйининг баландлиги сабаб ўзига мос уст-бош, айниқса, оёқ кийим топишда қийналади (оёғининг ўлчами 52 га тенг). Бундан ташқари у суҳбатларга киришувчан эмас ва одамлар эътиборини ўзига қаратишни ёқтирмайди.

Гиннес рекордлар китобида қайд этилишича, дунёдаги энг баланд бўйли ўсмир америкалик Брок Браун ҳисобланади, унинг бўйи 234 сантиметрга тенг.