WSB мусобақасининг 2-турида Cuba Domadores клубини мағлуб этиб, океан ортидаги мағлубият аламини олган Uzbek Tigers энди Colombia Heroicos боксчиларини қабул қилмоқда. Тўртинчи жангдан кейин ўзбекистонлик чарм қўлқоп усталарининг ғалабаси нақд бўлди.
Бунгача Шунқор Абдурасулов ҳамда Маҳмуд Ғоипов колумбиялик рақибларини техник мағлубиятга учратганди. Бокс оқшомининг тўртинчи жангида эса Бектемир Мелиқўзиев -81 килограмм вазн тоифасидаги спортчи Диего Мотоани таслим қилди.
Жароҳати борлиги сабаб Бектемир Мелиқўзиев Кубага бора олмаганди. Унинг вазн тоифасида Хулио Ла Крузга қарши рингга чиққан Мадиёр Саидраҳимов 0:3 ҳисобида енгилган бўлса, бугун Бектемир рақибини худди шу ҳисобда маҳф этди.
Олдинда яна 1 та жанг бор. Унда қандай натижа қайд этилса ҳам, Uzbek Tigers бокс оқшомининг умумий натижасини ўз фойдасига ҳал қилиб улгурди.
Uzbek Tigers — Colombia Heroicos 3:1
- -52 кг: Худойназар Файзов — Кейбар Авила 1:2
- -60 кг: Шунқор Абдурасулов — Дуван Зулета (техник ғалаба)
- -69 кг: Маҳмуд Ғоипов — Александр Ранхел (техник ғалаба)
- -81 кг: Бектемир Мелиқўзиев — Диего Мотоа 3:0
- +91 кг: Баҳодир Жалолов — Кристиан Салкедо
Colombia Heroicos бунгача Кубадан клубидан 0:5 ҳисобида енгилганди. Кейинроқ эса Венесуэла клубини ўз рингларида 3:2 ҳисобида таслим қилди, сафарда эса шу ҳисобда мағлуб бўлган.
Изоҳ (0)