АҚШ пойтахтида Россия элчихонаси қаршисидаги майдонга расман Борис Немцов номи берилди. Бу ҳақда «РИА Новости» хабар бермоқда.
Бунга бағишланган маросим 27 февраль, сешанба куни, сиёсатчи ўлдирилганига 3 йил тўлган куни ўтказилди.
Унда АҚШ конгресси аъзолари, Давлат департаменти, Вашингтон маъмурияти ва қонунчилик йиғини, ОАВ вакиллари, шунингдек, Немцовнинг қизи Жанна иштирок этди.
Мазкур майдонни қайта номлаш ҳақидаги қарорни олдинроқ Вашингтон шаҳар кенгаши қабул қилганди. Маҳаллий расмийлар ушбу қарорни «шаҳар демократияни қўллаб-қуватлаши рамзи» дея изоҳлади.
Изоҳ (0)