Андижон вилояти ҳокимлиги ва Ҳиндистон расмийлари вилоят ҳудудида фармацевтика, биофармацевтика маҳсулотлари ва тиббий ускуналар ишлаб чиқариш соҳасида ҳамкорлик қилиш борасида келишиб олди. Бу ҳақда, Pharmabiz’нинг Мумбайдаги минтақавий бўлинмасига асосланиб, Spot хабар бермоқда.
Бундан ташқари, томонлар вилоят ҳудудида ўзбек-ҳинд эркин фармацевтика зонасини ташкил этиш масаласида биргаликда ишлаш ва лойиҳанинг бизнес-режасини ҳамкорликда тайёрлашга ҳам келишиб олган.
Ўзбекистонда тайёрланган хом ашё асосида қўшилган қиймати юқори фармацевтика маҳсулотлари ва дори воситаларини ишлаб чиқариш қувватларини ишга тушириш учун ҳинд компанияларининг тўғридан-тўғри инвестициялари ва маҳаллий инвесторларни жалб этиш учун томонлар биргаликда ҳаракат қилади.
Аввалроқ Тошкентда Ўзбек-ҳинд тадбиркорлик маркази ташкил этилиши ҳақида хабар берилган эди.
Изоҳ (0)