1991—2006 йилларда Ўзбекистон ички ишлар вазири бўлган генерал-полковник Зокиржон Алматов фаолиятини Ички ишлар вазирлигида давом эттиради. Бу ҳақда, ИИВдаги манбага асосланиб, «Kun.uz» хабар бермоқда.
Хабар беришларича, Зокиржон Алматов амалдаги ички ишлар вазири Пўлат Бобожоновнинг маслаҳатчиси этиб тайинланган.
Зокиржон Алматов (1949 йилда туғилган) 1971—1988 йилларда Тошкент вилояти ички ишлар бошқармасида турли лавозимларда хизмат қилган. 1988—1990 йилларда Тошкент вилояти Паркент тумани ички ишлар бўлими бошлиғи, 1990—1991 йилларда вилояти ички ишлар бошқармаси бошлиғи лавозимларида меҳнат қилган.
Зокиржон Алматов Биринчи Президент Ислом Каримов томонидан 1991 йил 15 сентябрида Ўзбекистон ички ишлар вазири этиб тайинланган. Алматов ушбу лавозимда 2006 йил 5 январига қадар иш олиб борган.
Изоҳ (0)