Qozog‘iztondagi fojiada halok bo‘lgan o‘zbekistonliklarning oilalariga moddiy ko‘mak berish maqsadida e’lon qilingan aksiyaning birinchi bosqichi doirasida Namangan viloyatidan halok bo‘lgan 31 kishining oilalariga pullar taqsimlandi va ushbu ehsonlar egalariga yetkazildi. Bu haqda aksiya tashkilotchilaridan biri Bahriddin Chustiy ma’lum qildi.
Ikkinchi bosqichda PayPal hamda GoFundMe platformasi orqali tushgan pullar tashkilotchilar qo‘liga yetib kelgandan so‘ng, qolganlarga ham yetkazish chora-tadbirlari ko‘riladi.
Avvalroq xayriya aksiyasi doirasida jami 330 million so‘mga yaqin mablag‘ yig‘ilgani, ushbu summa 52 ga teng taqsimlanib, har bir halok bo‘lgan o‘zbekistonlikning oilasiga 6 million 300 ming so‘mdan ehson qilinishi xabar berilgan edi.
Izoh (0)