Facebook ижтимоий тармоғининг Peugeot Heritage саҳифасида иккинчи авлод Peugeot 508 седанининг сурати пайдо бўлди. Сурат орқали мазкур моделни тўлиқ томоша қилишнинг иложи йўқ, бироқ унинг орқа фаралари ўтган йилнинг бошида намойиш этилган Instinct прототипиники каби эканлигини кўриш мумкин, деб хабар берди «Мотор».
Янги 508 седани EMP2 модуль платформасида йиғилади ва рул ҳамда тормозларни автоном бошқарувчи тизим билан жиҳозланади.
Айтилишича, ушбу моделнинг гибрид двигателлисини буюртма қилиш ҳам мумкин бўлади, аммо ҳозирда бу ҳақида батафсил маълумот йўқ. Ҳозирги авлод седанининг дизель-электр мотори мавжуд.
Peugeot 508 модели 2011 йилдан буён ишлаб чиқарилади. Янги модель Женевада бўлиб ўтадиган автосалонда намойиш этилади.
Изоҳ (0)