Жорий йилнинг 14 февраль куни Тошкент шаҳар Фавқулодда вазиятлар бошқармасининг «1050» тезкор рақамига Lacetti русумли автомашина ҳайдовчиси автомобили Сергели тумани «Чортоқ» маҳалласи ҳудудида лойга ботиб қолганлиги туфайли ёрдам сўраб мурожаат қилган. Бу ҳақда Фавқулодда вазиятлар вазирлиги расмий сайтида хабар берилмоқда.
Шунингдек, жорий йилнинг 15 февраль куни Тошкент шаҳар Фавқулодда вазиятлар бошқармасининг «1050» тезкор рақамига яна бир Lacetti русумли автомашина ҳайдовчиси томонидан унинг автомашинаси Сергели тумани «Олмазор» маҳалласи ҳудудида лойга ботиб қолганлиги маълум қилинган.
Ҳар иккала вазиятда ҳам қутқарув отряди тезкорлик билан воқеа жойига етиб бориб, махсус техника ёрдамида автомашина ҳайдовчисига ёрдам кўрсатган.
Изоҳ (0)