Шавкат Мирзиёев Бухоро шаҳридаги 54-мактабгача таълим муассасасида бўлди

Шавкат Мирзиёев Бухоро шаҳридаги 54-мактабгача таълим муассасасида бўлди. Бу ҳақда Президент матбуот хизмати хабар бермоқда.

54-мактабгача таълим мувссасаси 280 ўринга мўлжалланган. Боғча биноси ўтган йили капитал реконструкция қилиниб, замонавий жиҳозланган. Бу ерда 31 нафар педагог ва тарбиячи болаларга ғамхўрлик кўрсатиб келмоқда.

Давлат раҳбари боғчада болаларга яратилган шароитлар билан танишди, ходимлар билан мулоқот қилди.

Боғчада тажриба тариқасида ташкил этилган қисқа муддатли бошланғич ривожлантириш маркази фаолияти ҳақида маълумот берилди.

Шавкат Мирзиёев мактабгача таълимнинг услубиятини такомиллаштириш, малакали тарбиячилар тайёрлаш бўйича кўрсатмалар берди.

Эслатиб ўтамиз, 54-боғча бир муддат олдин мукаммал таъмирдан сўнг фойдаланишга топширилган эди.