Ўзбекистон Супер Лигаси клубларининг маркетинг мутахассислари иш ўрганиш учун Японияга учиб кетди

ЎФА янги ташкил этилаётган футбол бўйича Ўзбекистон Супер Лигаси ўйинларига жиддий эътибор қаратаётгани сир эмас. Бунгача янги формат ишлаб чиққан ташкилот, чемпионатга қуръа ташлаш маросимини юқори савияда ўтказганди.

Ўзбекистоннинг 5 та етакчи клуби раҳбарлари Англиянинг «Эвертон» клубида малака оширадиган бўлди

Кеча — 7 февраль куни Супер Лига клубларининг маркетинг ходимлари иш ўрганиш учун Японияга йўл олди, деб ёзди ЎФА матбуот хизмати. Улар 8—12 февраль кунлари давомида Япония Жей Лигаси мутахассисларидан дарс олади ва семинарларда иштирок этади. Бунда японияликлар Жей Лига ва унинг клублари учун ҳомийларни, реклама берувчиларни қандай қилиб топиш, улар билан қандай ишлаш борасида ўз тажрибаси билан ўртоқлашади.

Парижда Франция ва Ўзбекистон футбол федерациялари раҳбарлари ўзаро ҳамкорлик борасида келишиб олди

Бунгача Ўзбекистон чемпионати ҳам тарихда илк бор ўзининг титул ҳомийсига эга бўлиш учун Япония компанияларидан бири билан музокара ўтказаётгани айтилганди. Буларнинг барчаси ЎФА биринчи вице-президенти Умид Аҳмаджонов ўтган йилнинг 17 ноябрь куни Япония футбол ассоциацияси президенти Ташима Кодзо билан ўзаро ҳамкорлик борасида меморандум имзолагач бошланди.

Тарихда илк бор Ўзбекистон чемпионати титул ҳомийга эга бўлиши мумкин. Бунга Япония компанияси даъвогар

ЎФА фақатгина клублар билан чекланиб қолмоқчи эмас. Аввалроқ 30 нафар ўзбекистонлик футбол реферисининг савиясини ошириш учун, улар Туркиядаги ўқув-йиғинга жўнатилаётгани айтилганди.

ПФЛдан янгилик: ўзбекистонлик назардан четда қолаётган 30 футбол ҳаками малакасини Туркияда оширади