Ўзбекистон Республикаси ҳукуматининг қарори билан март ойининг биринчи ўн кунида Тожикистон пойтахти Душанбе шаҳрида Made in Uzbekistan миллий саноат кўргазмаси бўлиб ўтади, деб ёзади UzDaily. Кўргазма доирасида ишбилармон доиралар иштирокида бизнес-форум ташкил этилади. Кўргазма Душанбе шаҳридаги «Манеж» спорт мажмуасида бўлиб ўтади.
Кўргазма мақсади — маҳаллий саноат компаниялари, инновацион ютуқлар ва инвестиция лойиҳаларини илгари суриш ҳамда тақдим этиш, кўргазма қатнашчиларини республика илмий-ишлаб чиқариш салоҳияти билан кенг таништириш, Ўзбекистон Республикаси иқтисодий ва сармоявий салоҳиятини очиб бериш, инвестиция лойиҳалари учун кенг имкониятларни кўрсатиш, Тожикистон ва бошқа мамлакатлар компаниялари билан шартномалар тузиш.
Кўргазма экспозицияси икки блокдан иборат бўлади.
Кўргазмада «Ўзбекнефтгаз» АЖ, «Ўзкимёсаноат» АЖ, «Ўзбекозиқовқатхолдинг» ХК, «Ўзелтехсаноат» АК, «Олмалиқ тоғ-металлургия комбинати» АЖ, «Навоий тоғ-металлургия комбинати» ДК», «Ўзбекчармпойабзали» уюшмаси, «Ўзвиносаноат-холдинг» ХК, «Ўзметкомбинат» АЖ, Artel, Akfa, Akfa Lighting, Imzo, «Ўзавтосаноат» АЖ, «Ўзқурилишматериаллари» АК, «Ўзфармсаноат» АК, «Ўзбекенгилсаноат» АЖ, Туризмни ривожлантири бўйича давлат қўмитаси ва бошқа компаниялар қатнашади.
Изоҳ (0)