Москванинг Замоскворечье тумани суди туманлараро прокурор Максим Киселёвнинг Якиманка муниципал депутатлари кенгашининг 2018 йил 18 март куни туман референдумини ўтказиш қарорини бекор қилиш ҳақидаги даъвосини қондирди, деб ёзади «ТАСС».
Прокуратура референдумнинг ўтказилиши федерал ва шаҳар қонунчилигига зид келиши, чунки унинг кун тартибида кўтарилган баъзи масалалар маҳаллий аҳамиятга эга эмаслигига асосланди.
Депутатлар кенгаши референдумга саккизта — учтаси — тумандаги транспорт ҳаракати ва бекатлар, учтаси — ҳайкаллар ва иккитаси — қурилишлар ҳақидаги масалаларни олиб чиқишни режалаштирган эди. Ушбу мавзулар орасида Лениннинг ҳайкалини Калуга майдонидан «Музеон» боғига кўчириш, Большая Полянка кўчасида Ўзбекистон Биринчи Президентига ҳайкал ўрнатиш ва Каримов хиёбонига фаввора қўйиш масалалари ҳам бор эди.
Изоҳ (0)