5 февраль куни кечки пайт Тошкент шаҳрининг Яшнобод туманида яшовчи Людмила Кучеренко шу ҳудуддаги ақли заифлар мактаб-интернатида ўқиётган ўғли I.В.ни уйига олиб кетишга келганида маст ҳолда бўлгани учун бунга рухсат берилмади. Бу ҳақда ИИВ Жамоатчилик ва оммавий ахборот воситалари билан алоқалар бошқармаси маълум қилди.
Шундан сўнг аёл Тошкент шаҳар ИИББга қўнғироқ қилиб, мактаб-интернат ҳудудида бомба борлиги ҳақида ёлғон хабар берган.
Воқеа жойига туман ИИБ ва ҳуқуқни ҳимоя қилувчи бошқа идора ходимлари етиб келиб, мактаб-интернат ҳудудини текширганида портловчи моддалар ва шубҳали буюмлар топилмади.
Кўрилган чоралар натижасида ёлғон хабар берган Людмила Кучеренко ушланди. Суриштирув ишлари олиб борилмоқда.
Изоҳ (0)