Фотогалерея: Электромобилларнинг пайдо бўлиш тарихи

«Коммерсантъ» электромобиллар бозори ХХ асрдан буён қай тарзда ривожланиб боргани тасвирланган суратларни тўплаб тақдим этди.

1900 йилда АҚШ ишлаб чиқарилган автомобилларнинг 28 фоизи электродвигателда ҳаракатланган. Суратдаги Riker Electric Vehicle электромобили Спрингфилддаги пойга мусобақасида иштирок этмоқда.

1912 йилдан бошлаб Генри Форднинг янги ички ёнув двигатели ва автомобилларни конвейер усулида йиғиш методи пайдо бўлгач, электромобилларга бўлган талаб камая борган. 1913 йилда ички ёнув двигателли автомобиль 650 доллар турган бўлса, электромобил 1750 доллар бўлган.

1930 йилнинг ўрталарига келиб электромобиллар мутлақ четга чиқиб кетган. Суратда Detroit Electric автомобилининг «Сиэтлдан Рейнир тоғларигача» туридаги иштироки.

Электромобилларга бўлган қизиқиш 1970 йилларнинг бошида яна қайта пайдо бўлган. Sebring-Vanguard компанияси Citicаr микроавтомобилларни ишлаб чиқара бошлаган. Унинг максимал тезлиги соатига 60 километрни ташкил этган. Бир марта қувватланиш орқали эса 65 километр масофани босиб ўта олган. Компания 1974 йилдан 1977 йилга қадар 2 мингга яқин шу турдаги машиналарни ишлаб чиқарган.

Электромобилларга бўлган қизиқишнинг янги оқими 1990 йиллар бошида, кўплаб давлатларда чиқинди газлар кўпайиб кетганидан сўнг юзага келди. 1996 йилнинг охирида General Motors концерни EV1 моделини тақдим этди. Аммо концерн 1996—1999 йиллар давомида шу турдаги электромобиллардан атига 1100 нусха ишлаб чиқарган ва дастур ёпилган.

1997 йилда Японияда Toyota Prius гибрид автомобили тақдим этилган. Моделнинг нархи 18 минг доллар атрофида бўлган.

2008 йилда Илон Маскнинг Tesla компанияси XXI асрда биринчи бўлиб электромобилларни оммавий равишда ишлаб чиқара бошлаган (Roadster).

2009 йилда Хитой ҳукумати 2020 йилга бориб ўз мамлакатини дунёда электромобил ишлаб чиқарувчи йирик державага айлантириш режасини қабул қилган. Режа доирасида ҳар бир электромобил учун ишлаб чиқарувчиларга 9,3 минг доллар тўланади.

2009 йилда Япония ҳам иккинчи бор экологик тоза автотранспортни яратиш ва тадбиқ этиш бўйича лойиҳани қабул қилган.

1990 йилдан бери Норевегия ҳукумати электромобил эгаларига кўплаб имтиёзларни тақдим этиб келади. Бундан ташқари улар 1999 йилда буён шаҳарларда автотураргоҳлардан текин фойдаланиши мумкин. 2016 йил охирига келиб мамлакат йўлларидаги автомобилларнинг 5 фоизини электромобиллар ташкил этган.

Германия эса 2010 йилга келибгина электромобилларга эътибор қаратди. 2020 йилга қадар мамлакат йўлларида 1 миллионга яқин электромобил пайдо бўлиши керак.