Хакерлик ҳужумида айбланаётган россиялик Пётр Левашовни унинг iCloud аккаунти ёрдамида топишга муваффақ бўлинган ва 2016 йилнинг 20 майидан бошлаб кузатилган. Бу Apple’нинг терговчилар томонидан юборилган расмий сўровдан кейинги ёрдами туфайли амалга ошган. Бу ҳақда TJournal хабар берди.
Пётр Левашов «Севера» тахаллуси остида Kelihos ботнет-тармоғи яратганликда айбланмоқда. Айбловга кўра, Пётр спамер ва жиноятчиларга зарарланган компьютерлар тармоғига кириш калитларини сотган.
Анонимликни таъминловчи кучли чораларга қарамасдан, терговчилар серверлардаги ёзувлар ёрдамида Левашовни аниқлашга муваффақ бўлган. Аниқланишича, Kelihos билан боғлиқ иккита сервер Люксембургда жойлашган ва улардан тез-тез Левашовнинг почтасига кирилган.
Терговчилар Люксембургдаги серверларга тегишли IP-манзилдан Левашов номига рўйхатдан ўтказилган iCloud аккаунтни аниқлаган. Бу маълумотлар билан улар Apple’га мурожаат қилган ҳамда аккаунт ва IP-манзил ҳақида маълумот олиш учун расмий сўров юборган.
Apple барча маълумотларни тақдим этган. Шундан сўнг Левашовнинг Россиядан чиқиши кутилган ва 2017 йилнинг апрель ойида Барселонада қўлга олиниб, АҚШга экстрадиция қилинган. У судда ўзини айбсиз деб эълон қилган.
Изоҳ (0)