2009 йили 12 йил 6 ой қамоқ жазосига ҳукм этилган журналист Дилмурд Саидов (Дилмурд Саид) жазони ўташдан муддатидан илгари шартли озод этилди. Бу ҳақда, Қашқадарё вилоят жиноий ишлар судига асосланиб, «Газета.uz» хабар бермоқда.
Журналист ЖКнинг 165-моддаси 3 «а» банди, 228-моддаси 2 «б» банди бўйича қамалган эди.
3 февраль куни Дилмурод Саидов жазо ўтаётган жазони ижро этиш муассасасида Миришкор туман жиноий ишлар судининг сайёр йиғилиши бўлиб ўтди.
Пенитенсиар муассаса маъмурияти журанлистни ЖКнинг 73-моддаси 3 «в» бандига асосан муддатидан илгари шартли озод қилиш бўйича тақдимнома киритди. Суд тақдимни кўриб чиқди ва уни қониқтирди.
Дилмурод Саидовнинг озод қилиниши АҚШ элчихонаси томонидан олқишланди.
Изоҳ (0)