Яқинда Samsung компанияси Galaxy S9 ва S9+ флагманларини 25 февраль куни тақдим этиши маълум бўлган эди. Энди эса янги маълумотлар тарқалиб кетиши натижасида Galaxy S9+ нинг ташқи кўриниши янги рендерларда фош бўлди, деб ёзади Hi-Tech Mail.Ru.
Galaxy S9+ рендерларда Grey ҳамда Orchid Silver’га ўхшаш икки хил рангда тақдим этилган. Қурилманинг олд панелини ҳозирги Galaxy S8+ дан ажратиш қийин, аммо орқа панелда янги қўш камера бор, шунингдек, бармоқ изи сканери янгича жойлашувга эга бўлган.
S9+ қўш камера билан жиҳозланиши, S9 эса битталик сенсорга эга бўлиши тахмин қилинмоқда.
Улар ҳажми ва дизайни бўйича Galaxy S8 дуэтига ўхшаш бўлади, аммо ингичкароқ ром, тезкорроқ камера ва стереодинамиклар ҳамда янада тезкорроқ процессорлар билан таъминланади.
Изоҳ (0)