Қашқадарё вилояти Давлат солиқ бошқармаси бошлиғи Собир Раҳмонқулов ўз вазифасидан озод этилди. У Ўзбекистон Президенти Шавкат Мирзиёевнинг 28 январь куни Қашқадарё вилояти фаоллари билан бўлиб ўтган учрашувидан сўнг лавозимидан кетди, деб хабар беради «Газета.uz».
Бошқармага Абдусалом Йўлдошев янги раҳбар этиб тайинланди. У бунга қадар Давлат солиқ қўмитаси раисининг биринчи ўринбосари лавозимида фаолият юритган.
Абдусалом Йўлдошев (1967 йилда туғилган) — Тошкент қишлоқ хўжалиги институти (1990 йил) ва Президент ҳузуридаги Давлат ва жамият қурилиши академиясини (1996 йил) тамомлаган.
Солиқ хизматида 1992 йилдан буён фаолият олиб бормоқда. 2012 йилнинг февраль ойидан бошлаб Давлат солиқ қўмитаси раисининг биринчи ўринбосари лавозимида ишлаб келган.
Изоҳ (0)