КХДР раҳбарияти Пхеньянда 8 февраль куни, Пхёнчханда 9 февралда очиладиган қишки Олимпиада арафасида ўтказиладиган ҳарбий парадга Жанубий Корея қуролли кучлари вакилларини таклиф қилмоқчи, деб ёзади «ТАСС». Бу ҳақда Япония нашри Сеулдаги разведка манбаларига таяниб хабар берди.
Уларнинг маълумотларига кўра, парадга таклиф ҳақидаги хабар КХДР етакчиси Ким Чен Ин номидан мамлакатнинг чет элдаги ваколатхоналарига юборилган хатда бўлган. Ҳужжатда Сеул билан бу борада музокаралар олиб борилаётгани айтилади.
Жанубий Корея ҳукумати вакиллари бундай маслаҳатлашувлар ўтказилганини рад этди. Ҳатто бундай таклифнома олинган тақдирда ҳам, мамлакат қуролли кучлари вакиллари парадда қатнашмаслиги эҳтимоли катта, деди улар.
Изоҳ (0)