Тошкент вилояти божхона бошқармасининг «Ғишткўприк» чегара-божхона комплексида қўшни давлатга йўл олган Н.Исмаилованинг қўл юки божхона кўригидан ўтказилганда, назорат-рентген аппаратида шубҳали тасвирлар кўринди. Бу ҳақда бошқарма ахборот хизмати хабар берди.
Юк холислар иштирокида очиб кўрилганида, унда 1800—1956 йиллар оралиғида зарб қилинган 886 дона танга, 244 дона қадимий, 1140 дона мис ва бир дона араб тилида зарб қилинган кумуш танга борлиги аниқланди.
Н.Исмоилова собиқ Иттифоқ даврига оид 5 турдаги 69 дона орден ва медаллар ҳамда 3 та мукофотни тасдиқловчи гувоҳномани ҳам олиб чиқишга уринган.
Дастлабки ҳисоб-китобларга кўра, уларнинг тахминий қиймати салкам 17,5 миллион сўмни ташкил этади.
Маълумот учун, 2017 йилда республика божхоначилари томонидан аниқланган 67 та қонунбузарлик натижасида 8276 дона ноёб тарихий ва маданий бойликлар ноқонуний олиб ўтилишига чек қўйилди.
Изоҳ (0)