Осиё футбол конфедерацияси расмий сайти Хитой мезбонлик қилаётган 23 ёшгача футболчилар иштирокидаги Осиё Чемпионатининг энг илғор футболчилари ҳақида маълумот берди.
Унга кўра, «Насаф» вакили Одил Ҳамробеков шерикларига энг кўп пас оширган футболчи бўлиб турибди. Жами 5 та ўйинда иштирок этган Одил 384 та аниқ пас беришга улгурган. Қатарлик Тариқ Салмон ҳисобида эса 292 та пас бор ва у иккинчи ўринда кўрилган. Бугун бўлиб ўтадиган финал ўйинида майдонга тушса, Ҳамробеков рақибларидан яна-да ўзиб кетиш имконига эга бўлади.
«Пахтакор» ҳужумчиси Забиҳилло Ўринбоев эса дарвозага энг кўп марта зарба йўллади — 14 та. У Жанубий Корея билан ўйинда гол уришга ҳам эришганди. Ҳозирча бошқа футболчига бунча зарба йўллаш насиб қилмаган.
Осиёнинг 2015 йилдаги энг яхши футболчиси Достон Ҳамдамов энг кўп вазият яратгани билан ёдда қолди. У 5 та учрашувда 11 та хавфли ҳужумни бошлашга эришди. Жанубий Корея термаси вакили Ли Кун Хо ҳисобида ҳам шунча вазият бор.
Изоҳ (0)