АҚШда грипп эпидемияси тарқалмоқда

АҚШда кетма-кет учинчи ҳафта грипп билан оғриганлар сони ортиб бормоқда, деб ёзади «Корреспондент.net».

Эпидемия Гавайи оролларидан ташқари барча штатларни қамраб олган.

Қайд этилишича, ўтган ҳафта шифокорларга мурожаат қилган ҳар ўн бешинчи киши грипп симптомларидан азият чеккан. Бу 2009 йилдаги пандемиядан сўнг энг катта кўрсаткич.

Касалланишнинг мазкур даражаси сақланиб қолса, мавсум охирига бориб 34 миллион америкалик гриппга чалинади.

Жорий йилда энг кенг тарқалган H3N2 вируси мавсумий штамм бўлди. 2009 йилда H1N1 штамми («чўчқа гриппи») эпидемияни келтириб чиқарган эди.

H3N2 штамми «чўчқа гриппи»дан ҳам хавфлироқ эканлиги айтилмоқда. Сабаби, унга вакцина деярли таъсир қилмайди.