НАТО Россия билан можаро эҳтимолини назарда тутиб, ҳарбий ҳаракатлар режасини ишлаб чиқиши лозим. Бу ҳақда Пентагоннинг собиқ раҳбари Эштон Картер Давос иқтисодий форуми доирасидаги киберхавфсизлик масалалари бўйича сессиядаги чиқишида маълум қилди, дея хабар беради «Газета.ru».
«Биз ва НАТОдаги ҳамкасблар Россияга қарши ҳарбий ҳаракатлар режасини ишлаб чиқишимиз зарур деб ўйлайман. Шунингдек, Болтиқбўйи давлатларига ‘яшил одамлар’ бостириб кириши эҳтимолига қарши режа ҳам керак. Россия у ердаги миллий озчиликдан фойдаланиши мумкин», — деди Картер.
Собиқ мудофаа вазирига кўра, АҚШ Берлин девори қулаганидан бери Россияни ҳарбий рақиб сифатида кўрмаган, бироқ бугунга келиб вазият ўзгарди.
Изоҳ (0)