22 январь куни Вашингтондаги Марказий Осиё ва Кавказ институти (CACI)да «Ўзбекистоннинг ташқи сиёсати: янги раҳбарият остидаги ўзгаришлар ва изчиллик» мавзусида форум бўлиб ўтди. Бу ҳақда Ўзбекистон Ташқи ишлар вазирлиги хабар берди.
Тадбирда етакчи тадқиқот институтлари, ноҳукумат ташкилотлар, ОАВ, дипломатик корпус вакиллари, шунингдек, АҚШ Конгресси стафферлари қатнашди.
CACI раиси Фредерик Старр Ўзбекистонда президент сайловларидан кейин қисқа муддат ичида барча соҳаларда кенг кўламли ўзгаришлар содир бўлганини айтди: миллий иқтисодиётни либераллаштириш бўйича чора-тадбирлар қабул қилинди, давлат бошқаруви тизими илоҳ қилинди, халқ ва ҳукумат мулоқоти учун кенг имкониайтлар яратилди, ОАВлар аҳамиятли даражада кучайтирилди, фуқаролар ҳуқуқ ва манфаатлари ҳимояси таъминланмоқда.
«Ташқи сиёсат йўналишида Ўзбекистон қўшни мамлакатлар билан яқинлашиш йўлини танлади, Тошкентнинг ташаббуслари минтақадаги барча мамлакатлар ва Афғонистон пойтахтлари томонидан кенг қўллаб-қувватланмоқда, етакчи Ғарб мамлакатлари, шу жумладан, АҚШ билан алоқа жиддий равишда мустаҳкамланди», — деди Фредерик Старр.
Изоҳ (0)